محروسة الخير
;;;;;;حبى لكم اودعته سرى *وحجبته عن اعين الغيرى ......نحو جيل متعلم تتعلم نتعلم منك ......نسعد باشتراكك معانا ....................المدير العـــــــــــــــــام


متفاءل واليأس بالمرصاد......متفاءل بالسبق دون جياد........متفاءل ياقوم رغم دموعكم.........ان السما تبكى فيحيا الواد
 
الرئيسيةالتسجيلدخول

شاطر | 
 

 من رباعيات صلاح چاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mad

avatar

عدد المساهمات : 129
نقاط : 174
تاريخ التسجيل : 15/05/2010

مُساهمةموضوع: من رباعيات صلاح چاهين   السبت مايو 15, 2010 5:51 am

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!



يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!



سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!



كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!



عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!



رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!



ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!



نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!



علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!



انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!



يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!
[b]
الرجوع الى أعلى الصفحة اذهب الى الأسفل
القناص

avatar

عدد المساهمات : 119
نقاط : 240
تاريخ التسجيل : 05/05/2010

مُساهمةموضوع: رد: من رباعيات صلاح چاهين   الأحد مايو 16, 2010 3:56 am

يا باب يا مقفول ... إمتي الدخول

صبرت ياما و اللي يصبر ينول



.................................

ياعينى عالكلام
مشكووووورااستاذ ماد كتييييييييييييير حياااااااااااك

_________________
الرجوع الى أعلى الصفحة اذهب الى الأسفل
http://horses1.akbarmontada.com
الساهر

avatar

عدد المساهمات : 23
نقاط : 46
تاريخ التسجيل : 10/05/2010
العمر : 28

مُساهمةموضوع: رد: من رباعيات صلاح چاهين   الإثنين مايو 17, 2010 2:38 pm

أأستاذ موفق بأذن الله
الرجوع الى أعلى الصفحة اذهب الى الأسفل
http://facebook.com
mad

avatar

عدد المساهمات : 129
نقاط : 174
تاريخ التسجيل : 15/05/2010

مُساهمةموضوع: رد: من رباعيات صلاح چاهين   الإثنين مايو 17, 2010 7:09 pm

تسلم ادمن وحياك الساهر Embarassed
الرجوع الى أعلى الصفحة اذهب الى الأسفل
 
من رباعيات صلاح چاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محروسة الخير :: القسم...........الأدبـــــــــى :: منتدى الشعر الشعراء-
انتقل الى: