(ياعم زوجني عميشه) لايفوتكم

الولد : اهلا هلا يابو عميشة * أول مرة وأثنيها

الرجل : قلي يا وليدي وش جابك * امك ليه انت مخليها

الولد : أنا جيتك ودي بنتك * تكفى عمي زوجنيها

الرجل : ابشر بلي جيت لجله * بس خمس شروط وإتلبيها

الولد : كل شروطك على راسي * بنتك تطلب وانا اعطيها

الرجل : انا ودي جيب مجنط * والا الددسن ما ابيها

الولد : ياعالم هذا أولها * والله يستر من تاليها

الرجل : وبنتي تابي بيت لحالها * يعني فلة تسكن فيها

الولد : حاضر ياعمي بالفيلاة * وأعيون عميشة نلبيها

الرجل : وتبي خدامة طباخة تسوي قهوتها وشاهيها

الولد : وكل شروطك على راسي * عميشة تطلب وانا أعطيها

الرجل : وتبي سيارة جديدة * وتبي سواق يوديها

الولد : امري لله ويش أسوي * حتى السيارة نشتريها

الرجل : أمك ياوليدي خرفانة وبنتي ماطيق تراعيها

الولد : هذي أمي مالها غيري لازم بالخير إنجازيها

الرجل : ودها لخالك وغلا جارك والا شفلك صرفة فيها

الولد : والله ياعمي زودتها دليت تحوس بالتالي

الرجل : هذي شروطي ودك فيهاوالا عميشة كلاً فيها

الولد : أمي عندي تسوى الدنيا وبنتك عندك مانبيها

الرجل : اطلع ياخاين من بيتي والا الحين أسويها

الولد : احفظ كلامك يالشايب والا اقلب عاليها واطيها

نعم انت المبدع دائما اختيار رائع تسلم ع هذا المجهود

مشكور استاذ ماد على المرور الاكثر من رائع

دمت بود

_________________